Nátttröllið Yrsa: Einmana á jólanótt

Nátttröllið Yrsa sér fram á einmanalega jólahátíð þar sem foreldrar hennar og systkini eru öll orðin að steini. Hjartnæmt leikrit um einmana tröll sem lærir að setja sig í spor annarra og hver veit, kannski eignast hún vin í leiðinni? Einlæg, falleg og sorgleg aðventusaga en húmorinn og sprellið eru aldrei langt undan! 
´


Ellen Margrét Bæhrenz og Helgi Grímur Hermannsson fara með hlutverk Yrsu og skógarþrastarins og skipa leikhópinn Óhemjur. Þau hafa skemmt börnum á aðventunni í mörg ár. Nú snúa þau aftur í Tjarnarbíó með sýninguna Nátttröllið Yrsa - einmana á jólanótt en síðast voru þau þar jólin 2024.