Þú átt leik

ÞÚ ÁTT LEIK

Þátttökuverk fyrir börn og fullorðna

Klukk! Þú ert’ann!

Þú átt leik er afslappað þátttökuverk sem setur leik barna í hásæti og veltir upp spurningum um eðli sviðslista. 

Hvernig er nú með þessa byggingu, hver má leika í LEIKhúsinu og hver horfir á? Pant ver’ann…og svo skiptumst við á! Væri gott að fela sig í myrkrinu og kveikja á ímyndunaraflinu? „Segðu hóóóó“! Er einhver sem finnur mann í þessum leik eða finnur maður sig sjálfur? 

Í þessu nýja sviðsverki er kafað ofan í leikjamenningu barna þvert á kynslóðir. Viðtöl við börn í dag fléttast saman við minningar fullorðinna af sínum leikjum sem börn. Sumir leikir finnast þvert á heimsálfur, aðrir varpa skýru ljósi á samfélagið sem þeir spretta úr. Hvað segja leikir dagsins í dag um samfélagið okkar? Hverjar eru reglurnar og væri hægt að breyta þeim?

Einn, tveir og nú og það varst þú!

Höfundar: Aude Busson, Sigríður Sunna Reynisdóttir, Embla Vigfúsdóttir og Björn Kristjánsson. 

Framleiðandi: Ragnheiður Maísól Sturludóttir, MurMur Productions.